بیرۆکەی کۆنفڕانس 

پرسه‌ ياساييه‌كان، هاوشێوه‌ى بواره‌كانى ديكه‌ى زانستى، چ له‌سه‌ر ئاستى لۆكاڵى و چ له‌سه‌ر ئاستى نێوده‌وڵه‌تى، به‌رده‌وام له‌ گۆڕانكارى و پێشه‌ڤچوون و پێشهاتى نوێدايه. ئەم نوێگه‌ريانه‌ش زۆرجار کێشە و ململانێی یاسایی دێننە ئاراوە کە پێویستیان بە چارەسەری گونجاو هەیە، باشترين ئامراز و ميتۆد بۆ دۆزينه‌وه‌ى چاره‌سه‌رى گونجاو بۆ ئه‌م نوێگه‌ريانه‌ش ئەنجامدانی توێژینەوەی زانستی و ئەکادیمییە. بۆیە لە سۆنگەی هەستکردن بە بەرپرسیاریەتی و کاری ئەکادیمی، بەشی یاسا لە فاکەڵتی یاسا و زانستە سیاسیەکان و بەرێوەبردنى زانکۆی سۆران هەڵدەستێت بە ڕێکخستن و بەڕێوەبردنی دووه‌مين کۆنفڕانسی زانستی نێوده‌وڵه‌تى بۆ توێژەرانی ناوخۆیی و نێودەوڵەتی بە مەبەستی پێشکەشکردنی دیدگا و بۆچونەکانیان سه‌باره‌ت به‌ کێشە سەردەميیەکان و خستنەڕووی چارەسەری گونجاو بۆیان.

بڵاوکردنەوەی توێژینەوە وەرگیراوەکان لە کۆنفڕانس:

• توێژینەوە وەرگیراوەکان لە کۆنفڕانس له‌ گۆڤارى زانستى توێژه‌ر بڵاودەکرێنەوە، دوای پێداچوونەوەی زانستی و پێشکەشکردنیان لە کۆنفڕانس.

• دەکرێت توێژینەوەکان بە زمانەکانی کوردی، عەرەبی یان ئینگلیزی پێشکەش بکرێن.

• پێویستە توێژینەوەکان بە پیی ڕێنماییەکانی کۆنفڕانس بنووسرێن.

ئامانجەکانی کۆنفڕانس:

• تیشک خستنە سەر نویترین پرسە یاساییەکان لە گشت جیهان بە تایبەتی لە عێراق و هەرێمی کوردستان.

• دۆزینەوەی چارەسەر بۆ ئەو پرسانەی دەخرێنە بەر نەشتەری توێژینەوەکان.

• گەیاندنی چارەسەر و پێشنیارەکانی کۆنفڕانس بۆ لایەنی پەیوەندیدار

• دابینکردنی بنکەیەکی زانستی تۆکمە و ژینگەیەکی گونجاو بۆ توێژەرانی ئەکادیمی کە ئارەزووی لایەنی زانستی دەکەن بۆ پێشکەشکردنی گفتوگۆ و توێژینەوە و ئەنجامی توێژینەوەکان و ئاڵوگۆڕی بیرۆکە و دیدگا لەسەر پرسە یاساییە نوێیەکان.

ڕێکەوتە گرنگەکان:

• پوختەکان وەردەگیرێن تاکو ڕێکەوتی 31-10-2023.  

• پشتگیری بەشداریکردن دەردەچێت لە رێکەوتی 20-11-2023.  

• پێویستە توێژینەوەکان بە تەواوی وەربگیرێن لە 5-2-2024.  

• په‌سه‌ندكردنى ته‌واوى توێژينه‌وه‌كان له‌ ڕيكه‌وتى 6/3/2024 ده‌رده‌چێت.

• ڕێکەوتی ئەنجامدانی کۆنفڕانس 21-22ى4ى 2024.   

تێبینییە گرنگەکان:

• پێویستە پوختەی توێژینەوەکان بە دوو زمان بنێردرێن، زمانی نووسینی توێژینەوە لەگەڵ زمانێکی تر کە یەکێک لەو زمانانە بێت: کوردی، عەرەبی، ئینگلیزی.

• ئامادەبوون و بەشداری کردن لە کۆنفڕانس بە خۆڕاییە.

• توێژەران گەشتێکی خۆشگوزەرانیان بۆ رێکدەخرێت بۆ ناوچە گەشتیاریەکانی بێخاڵ، جوندیان و گەلی علی بەگ.

•کۆنفڕانسەکە ئەرک و خەرجی وەرگرتیی ڤیزای توێژەرە نێودەوڵەتیەکانی لە ئەستۆ دەگرێت.

•کۆنفڕانسەکە خەرجی خواردنی دوو ڕۆژی کۆنفڕانسەکە و شوێنی مانەوە و گواستنەوەی توێژەران لە شوێنی مانەوە بۆ شوێنی ئەنجامدانی کۆنفڕانسەکە لە ئەستۆ دەگرێت.

تەوەرەکانی کۆنفڕانس: 

تەوەرەکانی کۆنفڕانس بریتیین لەم خاڵانەی خوارەوە:

• نوێکاری لە پرسە یاساییە نوێیەکان لە گشت پپسپۆڕیەکان.

• نوێکاری لە بەراوردکاری نێوان یاسا و شەریعەتی ئیسلامی.

 بۆ په‌يوه‌نديكردن و ناردنى توێژينه‌وه‌كان  

[email protected]

[email protected]

009647504267584